विराटनगर । विराटनगरको रोडशेष चौकस्थित होटल स्वागतममा सम्पन्न भएको विशेष कार्यक्रममा मन्त्री सदानन्द मण्डलले पर्यटन वर्ष २०८२ को महत्त्वलाई विशेष जोडे दिनु भएको छ । मैथिली एसोसिएशन नेपालद्वारा आयोजित मान इन्टरनेशनल अवार्ड कार्यक्रममा चिफ गेस्टका रूपमा सहभागी हुँदै उहाँले पर्यटन र सांस्कृतिक सम्बन्धलाई बढावा दिने महत्त्वपूर्ण सन्देश दिनुभयो ।
मन्त्री सदानन्द मण्डलले कार्यक्रममा आफ्नो सम्बोधनमा पर्यटन वर्ष २०८२ को महत्त्वलाई विशेष जोड दिनुभयो । उहाँको भनाइमा, यस्ता अन्तर्राष्ट्रिय कार्यक्रमहरूले प्रदेशको पर्यटकीय सम्भावनालाई अझ बढी उजागर गर्न मद्दत गर्दछन्। कार्यक्रममा भारतीय व्यक्तित्वहरूको उपस्थितिले सीमावर्ती क्षेत्रका सांस्कृतिक सम्बन्धलाई झन् बलियो बनाउने अपेक्षा व्यक्त गर्नुभयो ।
मन्त्री मण्डलले मैथिली संस्कृति र परम्परालाई संरक्षण गर्ने र बढावा दिने प्रयासमा मैथिली एसोसिएशन नेपालको योगदानलाई सराहना गर्नुभयो। उहाँले भन्नुभयो कि यस्ता कार्यक्रमहरूले स्थानीय संस्कृति र पर्यटनलाई एक साथ अघि बढाउन महत्त्वपूर्ण भूमिका खेल्दछन् ।
कार्यक्रममा मन्त्री मण्डलको उपस्थिति र सम्बोधनले स्थानीय र अन्तर्राष्ट्रिय स्तरमा कोशी प्रदेशको प्रतिष्ठालाई बढाउने महत्त्वपूर्ण अवसर प्रदान गरेको छ । उहाँको नेतृत्वमा, प्रदेश सरकारले पर्यटन विकासमा अझ बढी जोड दिने संकेत गरेको छ ।