विराटनगर । नेपाल आयल निगमले पेट्रोलियम पदार्थको मूल्यमा पुनः समायोजन गरेको छ । निगमले दिएको जानकारीअनुसार डिजेल र मटितेलको मूल्य प्रतिलिटर ४ रुपैयाँले घटाइएको छ । तर, पेट्रोल र एलपी ग्यासको खुद्रा मूल्यमा भने कुनै परिवर्तन गरिएको छैन ।

हवाई इन्धनतर्फ आन्तरिक उडानका लागि प्रतिलिटर १ रुपैयाँले सस्तो हुने भएको छ भने अन्तर्राष्ट्रिय उडानका लागि काठमाडौंमा ७ अमेरिकी डलरले मूल्य घटाइएको छ । पोखरा र भैरहवामा भने अन्तर्राष्ट्रिय हवाई इन्धनको मूल्य ब्रेक–इभेन पोइन्टमा राखिएको निगमले जनाएको छ ।

समायोजित मूल्य आज राति १२ बजेदेखि लागू हुने निगमले स्पष्ट पारेको छ ।