उक्त आन्दोलनसँग सम्बन्धित १ सय ४ वटा उजुरी दर्ता भएको परिसरले जनाएको छ। तीमध्ये व्यक्तिगत २२, सरकारी कार्यालयसँग सम्बन्धित ६६ र संस्थागत तथा व्यापारिक प्रतिष्ठानका १६ उजुरी रहेका छन् ।
यस्तै कर्तव्य ज्यान, आपराधिक उपद्रव, चोरी, हातहतियार, अभद्र व्यवहार तथा ज्यान मार्ने उद्योगसम्बन्धी गरी १ सय ५४ मुद्दा दर्ता भएका छन्। दर्ता भएका मुद्दामा हालसम्म २ सय ६७ जनालाई पक्राउ गरिएको छ ।
पक्राउ परेकामध्ये ८७ जनालाई हाजिरी जमानीमा छोडेर अनुसन्धान जारी छ भने १ सय १३ जना न्यायिक हिरासतमा छन् । न्यायिक प्रकृयामा पेस गरिएकामध्ये २३ जना धरौटीमा रिहा भएका छन् भने ४३ जना पुर्पक्षका लागि थुनामा राखिएका छन् ।
