विराटनगर । सुनसरी जिल्लाको भोक्राहा नरसिंह गाउँपालिका वडा नं. २ स्थित अकाहा बजारमा रहेको दुर्गा मन्दिरमा आजदेखि साप्ताहिक सरसफाइ र हनुमान चालिसा कार्यक्रम सुरु गरिएको छ। भोक्राहा नरसिंह हिन्दु सम्राट सेनाले यो कार्यक्रमको आयोजना गरेको हो।
हिन्दू सम्राट सेनाका संयोजक दिपेश मेहताका अनुसार, अब हरेक शनिबार बिहान दुर्गा मन्दिरमा सरसफाई र हनुमान चालिसा पाठ गरिने छ। पहिलो दिनको कार्यक्रममा स्थानीय युवाहरू र जनसमुदायका ब्यक्तिहरुको सहभागिता रहेको थियो।
यस पहलले स्थानीय मन्दिरको स्वच्छता कायम राख्नुका साथै धार्मिक र सामुदायिक एकता बढाउन मद्दत पुर्याउने आशा गरिएको छ। स्थानीय समुदायलाई यस कार्यक्रममा सहभागी हुन र आफ्नो योगदान दिन प्रोत्साहित गरिएको छ।