विराटनगर । लियो डिस्ट्रिक ३२५ सी नेपालको आयोजना तथा नोबेल क्यान्सर अस्पतालको सहकार्यमा ‘विराटनगर रन २.०’ भएको छ । आज विशेष कार्यक्रमका बीच ‘विराटनगर रन २.०’ सम्पन्न भएको हो ।
जसले स्वास्थ्य, ऊर्जा र उत्साहको अद्भुत माहोल सिर्जना गरेको बताइएको छ । नोबेल अस्पतालबाट सुरु भएको दौड सहिद रंगशालामा पुगेर समापन भएको थियो । नोबेलले सहभागी सम्पूर्ण धावक, आयोजक तथा सहयोगीहरूलाई धन्यवाद ज्ञापन गर्दै कार्यक्रम विशेष भएको उल्लेख गरेको छ ।
ट्राइ–साइकल प्रतियोगिता, सांस्कृतिक प्रस्तुति तथा चर्चित गायिका रचना रिमालको सांगीतिक प्रस्तुति लगायतका आकर्षक कार्यक्रमहरू क्रमशः सञ्चालन हुँदै जाने नोबेलले जनाएको छ ।
